ئەسسالامۇ ئەلەيكۇم تورداشلار.

مەن ئالدىنقى قىىتىم يوللىغان «2012-يىللىق رامىزانلىق كالىندارنىڭ WP نۇسخىسى» دىگەن تېمامدا بىر تەرەپتىن رامىزانلىق كالىندارنى ئاساسىي ئورۇنغا قويغان بولسام يەنە بىر تەرەپتىن Windows Phone  سىستېمىسىدىكى ئۇيغۇرچە يۇمشاق دېتاللارنىڭ باشلىنىش پىلتىسىگە ئوت ياققان ئىدىم. لىكىن بۇ مەسىلىگە قارىتا تورداشلارنىڭ قىزغىنلىقى ئانچە يۇقۇرى ئەمەسمۇ ياكى تورداشلار ئارىسىدا WP سىستېمىلىق تېلېفۇن ئىشلىتىۋاتقانلارنىڭ سانى بەكلا ئازمۇ بۇنى بىلمىدىم.

دۇنيا مىقياسىدا WP نىڭ ئومۇملىشىشى Android ياكى IPhone دەك كەڭ بولمىسىمۇ مىنىڭچە بۇ بىر ۋاقىتلىق ئەھۋال. چۈنكى Microsoftنىڭ  Nokia نى مەزكەر قىلغان دۇنيا كۆچمە ئۈسكۈنىلەر ساھەسىنىڭ سابىق زۇمىگەرلىرى بىلەن  زىچ ھەملكارلىشىشى نەتجىسىدە WP سىستېمىلىق تېلېفۇنلارمۇ بارا-بارا بازاردا مەلۇم سالماقنى ئىگەللەۋاتىدۇ. ھەم شەخسەن مەنمۇ WP سىستېمىسىغا خېلى ئىشەنىچ بىلەن قارايمەن.

بەلكىم دوستلار ئارىسىدا WP سىستېمىسى بىلەن ھەپىلىشىۋاتقانلار ئۇنداق ئاز بولماسلىقىمۇ مۇمكىن. چۈنكى بۇ WP سىستېمىسىنىڭ ئۇيغۇرچىسى شۇنداق نورمال قوللىشى بىزنىڭمۇ بۇ سىستېما ئۈستىدە كۆپرەك ئىزدىنىپ بىقىشىمىزغا ھەم كۆپلەپ ئۇيغۇرچە ياكى باشقا يېزىقتىكى يۇمشاق دېتاللارنى ئىشلەپ تارقىتىشىمىزغا ئەرزىيدۇ دەپ قارايمەن.

ئادەتتە WP سىستېمىسىغا يۇمشاق دېتال ئاچقۇچىلار Marketplace غا يۇمشاق دېتال يوللاش ئۈچۈن تىزىملىتىش ھەققىگە شەخسىي پروگراممىچىلارغا قارىتا 99$ ئەتىراپىدا ھەق تۆلەشكە توغرا كىلىدىگەن. لىكىن ئالىي مەكتەپ ئوقۇغۇچىلار مەكتەپ تەرەپ تەمىنلىگەن ئېلخەت ئادىرىسى بىلەن تېزىملاتسا ھەقسىز تىزىملىتىشقا بولىدىگەن. شۇڭا بۇ ساھەگە قىزىقىدىغان ھەم مەلۇم دەرىجىدە پروگرامما ئاساسى بار ئوقۇغۇچىلارنىڭ سىناپ بىقىشىنى تەۋىسىيە قىلىمەن. بۇمۇ ئوقۇغۇچىلارغا نىسبەتەن يېڭى بىر كىرىم مەنبەسى بولۇپ قالغۇسى.

ناۋادا بۇ ساھەگە كىرمەكچك بولغان دوستلار بولسا تېخنىكا ھەم باشقا جەھەتلەردە دوستلار بىلەن ئورتاقلىشىشنى خالايمەن.

ۋاقىت مۇناسىۋىتى بىلەن بەزى تەرەپلەر بەك تەپسىلىي بايان قىلىنمىدى. دوستلارنىڭ پىكىرىگە ئاساسەن كېيىنكى تېمىلىرىمىزدا يەنىمۇ تەپسىلىي توختىلارمىز.