بۈگۈن Windows 8 نى Windows 8.1 گە يېڭىلىغان ئىدىم. بۇنىڭدىكى بىر قىسىم يېڭىلىقلار ھەققىدە سىلەر بىلەن ئورتاقلىشىش مەقسىتىدە بۇ يازمىنى يېزىپ ئولتۇرۇپتىمەن. لىكىن تېخى تەپسىلىي سىناق قىلغىدەك بولمىدىم. ئەمما قاچىلىغاندىن كېيىنكا تۇنجى تەسىراتىم:

1. ئەستەل يۈزىدىكى «Computer»  دىگەن ئىسىم «This PC»  غا ئۆزگەرتىلىپتۇ. (ئىشلىتىۋاتقىنىم ئىنگىلىزچە نۇسخىسى بولغاچقا ئاتالغۇلارنىمۇ ئۆز پىتى ئالدىم).

2. مەنبە باشقۇرغۇچقا كۆرۈنىدىغان تۈرلەر كۆپىيىپتۇ.

3. باشلاش كونوپكىسى قوشۇلۇپتۇ. لىكىن تىزىملىك شەكلى ئەسلىدىكى ئەنئەنىۋىي شەكىلدە ئەمەسكەن.  باشلاش كونوپكىسىنى بىسىش ئارقىلىق «Metro» كۆرۈنمە يۈزىگە ئالمىشىشقا بولىدىگەن.

4. Metro كۆرۈنمە يۈزىنىڭ بەت ئورۇنلاشتۇرۇش شەكلى ئۆزگىرىپتۇ. ئەسلىدىكى مائۇسنىڭ ئوڭ كونوپكىسىنى بىسىپ چىققان تىزىملىكتىن تاللايدىغان «All apps» نى ئاددىيلاشتۇرۇپ كىچىك كونوپكا بىلەنلا ئىپادىلەپتۇ. بۇ ئارقىلىق  Metro كۆرۈنمە يۈزىدە دائىم كۆرۈنمەيدىغان قوشۇمچە تىزىملىكلەرنى كۆرۈشكە بولىدىگەن.

5. ئەڭ مۇھىم يېڭىلاشلارنىڭ بىرى تور كۆرگۈچنىڭ نەشىرى يېڭىلىنىپتۇ. نۆۋەتتىكى نۇسخىسى  Internet Explorer 11   نۇسخىسى ئىكەن.

6. مەن مەشغۇلات سىستېمىسىنى يېڭىلاشتىن ئىلگىرى قاچىلانغان يۇمشاق دېتاللار بۇزغۇنچىلىققا ئۇچرىماپتۇ، ھەممىسىنى نورمال ئىشلىدى.

باشقا تەپسىلاتلارنى تەپسىلىي سىناقتىن كېيىن قايتا يوللايمەن.